Comments Add Comment

बंगलादेशको कृषि क्षेत्रको अनुगमन गर्न सभापति राणासहितको टोली जाने

काठमाडौं, २१ भदौ । कृषि तथा पशुपन्क्षी मन्त्रालय र फिड द फ्युचर नेपाल नलेज बेस्ड इन्टिग्रेटेड सस्टेनेबल एग्रीकल्चर इन नेपाल (किसान टू) को आयोजनामा बंगलादेशको कृषि क्षेत्रको अनुगमन गर्न कृषि, सहकारी तथा प्राकृतिक स्रोत समितिका सभापतिको नेतृत्वमा ७ जना टोली सहभागी हुने भएका छन् ।

समितिको बिहीबार बसेको बैठकले सभापति डा।आरजु राणाको नेतृत्वमा सदस्यहरू अनिशा नेपाली, अम्मरबहादुर थापा, विनीता कठायत, सूर्यकुमारी श्रेष्ठ र रुपा सो.शी. चौधरी तथा उपसचिव शिवदत्त बराल सहभागी हुने निर्णय गरेको हो ।

बैठकबाट समितिबाट सम्पादन गर्ने कार्य, निर्णय तथा निर्देशनहरू यथार्थपरक तथा कार्यान्वयनयोग्य बनाउनका लागि यस समितिको कार्यक्षेत्र अन्तर्गतका मन्त्रालयहरू कृषि तथा पशुपन्छी विकास मन्त्रालय, भूमि व्यवस्था, सहकारी तथा गरिबी निवारण मन्त्रालय र वन तथा वातावरण मन्त्रालय अन्तर्गतको संस्थागत संरचना र कार्यसम्पादनको जिम्मेवारीका सम्बन्धमा समितिको आगामी बैठकमा आमन्त्रण गर्ने निर्णय गरेको छ ।

समितिमा प्राप्त खाद्य स्वच्छता तथा गुणस्तर विधेयक, २०७७ मा संशोधनकर्ता सदस्यहरूबाट प्राप्त संशोधनका सम्बन्धमा सम्बन्धित संशोधनकर्ता सदस्यहरू, मन्त्री, सचिव लगायतका सरोकारवालाहरू समेतलाई सहभागी गराई छलफल गर्ने बैठकले निर्णय गरेको छ ।

यो खबर पढेर तपाईलाई कस्तो महसुस भयो ?

सम्बन्धित खवर

Advertisment

छुटाउनुभयो कि? सबै