Comments Add Comment

मन्त्रिपरिषद्‌मा दलितको प्रतिनिधित्व गराउने प्रतिबद्धता

काठमाडौं । प्रधानमन्त्री पुष्पकमल दाहाल प्रचण्डले मन्त्रिपरिषद्‌मा दलितको प्रतिनिधित्व गराउने प्रतिबद्धता जनाएका छन् ।

मंगलबार प्रतिनिधि सभाको बैठकमा प्रधानमन्त्रीसँगको प्रत्यक्ष प्रश्नोत्तर कार्यक्रममा भाग लिँदै नेकपा एमालेका सांसद छविलाल विश्वकर्माले मन्त्रिपरिषद् किन समावेशी नभएको भनी प्रश्न गरेका थिए ।

जवाफमा प्रधानमन्त्री प्रचण्डले भने, ‘अहिलेको हाम्रो क्याबिनेटमा दलितहरूको प्रतिनिधित्व हुने कुरा पनि म प्रष्ट गर्न चाहन्छु ।’ संविधानतः संघीय सरकारमा २५ जनासम्म मन्त्री हुन सक्छन् । हाल २१ वटा मन्त्रालय छन् । ती सबै मन्त्रालयमा मन्त्री छन् ।

मन्त्रालय नफुटाउँदा वा नथप्दा हालको मन्त्रिपरिषद्‌मा नयाँ मन्त्रीको नियुक्ति सम्भव छैन । हालको २२ सदस्यीय मन्त्रिपरिषद्‌मा तीन जना राज्यमन्त्री नियुक्त हुन सक्छन् ।

यो खबर पढेर तपाईलाई कस्तो महसुस भयो ?

सम्बन्धित खवर

Advertisment

छुटाउनुभयो कि? सबै