Comments Add Comment

काठमाडौं आइपुगिन् जापानी विदेशमन्त्री कामीकावा

काठमाडौं । जापानकी विदेशमन्त्री खामिखावा योको काठमाडौं आइपुगेकी छन् । एक दिने भ्रमणको क्रममा केहीबेरअघि त्रिभुवन अन्तर्राष्ट्रिय विमानस्थलमा ओर्लिएकी उनले आज राष्ट्रपति, प्रधानमन्त्री र समकक्षी नारायणकाजी श्रेष्ठसँग भेटवार्ता गर्नेछिन् ।

२ः३० बजे दरवार स्क्वायरको भ्रमण गर्नेछिन् भने तीन बजे परराष्ट्र मन्त्रालयमा मन्त्री श्रेष्ठसँग उनको दुई पक्षीय वार्ता हुने बताइएको छ ।

३ः३० बजे मण्डला बुक प्वाइन्टको अवलोकन गरेपछि चार बजे प्रधानमन्त्री प्रचण्डसँग सिंहदरवारस्थित प्रधानमन्त्री तथा मन्त्रीपरिषद्को कार्यालयमा दुई पक्षीय शिष्टाचार भेटघाट हुने बताइएको छ ।

प्रधानमन्त्री प्रचण्डसँगको भेटपछि उनी पुनः होटल फर्किने कार्यक्रम रहेको छ । साँझ ६ बजे परराष्ट्र मन्त्री श्रेष्ठले सोल्टी होटलमा दिने डिनरमा विदेश मन्त्री कामीकावाका सहभागी हुने छिन् । डिनरपछि साँझ ७ बजे राष्ट्रपतिसँग मन्त्री कामीकावाले भेटघाट गर्ने कार्यक्रम रहेको छ ।

राष्ट्रपति पौडेलसँगको भेटघाटपछि ८ः३५ बजे जापनिज पत्रकारहरुसँग भेटघाट गर्ने कार्यक्रम राखिएको छ । पत्रकारसँग भेटघाटपछि उनी राती १० बजे जापान फर्किने कार्यक्रम रहेको बताइएको छ ।

परराष्ट्रका प्रवक्ता अमृतबहादुर राईले विदेश मन्त्री कामीकावाको नेपाल भ्रमणको क्रममा कुनै सम्झौता तथा समझदारी नहुने बताए । यो मैत्रीपूर्ण भ्रमण हो, भ्रमणको क्रममा दुई देश बिचको सम्बन्ध, विकास निर्माण, जापानले गर्दै आएको सहयोग लगायतका विषयमा कुराकानी हुने उनले बताए ।

नेपाल र जापान बिच सन् १९५६ मा कूटनीतिक सम्बन्ध स्थापना भएको थियो । ६८ वर्ष पुरानो सम्बन्धमा जापानबाट विदेश मन्त्रीहरूको यो चौथो भ्रमण हो भने सन् २०१९ पछि विदेश मन्त्रीको कामीकावाको पहिलो नेपाल भ्रमण हो ।

नेपालमा भारत, चीन र अमेरिकाको प्रभाव रहेको बेला चीनले महत्वको साथ हेरेको कारण यो भ्रमणलाई कूटनीति हिसाबले महत्त्वपूर्ण मानिएको कूटनीतिक मामिलाका जानकारहरू बताउँछन् ।

खासगरि नेपालमा पछिल्लो समय चीनको बढ्दो प्रभावका कारण जापानका विदेश मन्त्री कामीकावाले श्रीलंकासहित एसियाली मुलुकहरुको भ्रमण गर्दै नेपाल आउन लागेका हुन् । अमेरिका र चीन बिच बढ्दो द्वन्द्व जापान अमेरिकाको मित्र शक्ति बनेको छ ।

सन १९५६ सेप्टेम्बर १ तारिकका दिन नेपाल र जापानबीच औपचारिक कूटनैतिक संबन्ध स्थापना भएपश्चात आपसी सम्बन्धका विविध पक्षहरूमा बिस्तार हुँदै गएको जापानस्थित नेपाली दूतावासले जनाएको छ ।

दुबै देशहरूमा आवासीय राजदूतावास स्थापना हुनुअघि नयाँ दिल्लीस्थित आ–आफ्नो राजदूतहरूलाई नै नेपाल तथा जापानका लागि पनि राजदूतका रूपमा नियुक्त गरेका थिए ।

सन १९६५ मा मात्र जापानमा नेपाली राजदूतावासको स्थापना भएको थियो र त्यहाँ भरत राज राजभण्डारीलाई पहिलो राजदूतको रूपमा नियुक्त गरेको जपानमा रहेको नेपाली दूतावासले जनाएको छ ।

त्यसपछि सन् १९६८ मा काठमाण्डौंमा पनि आवासीय जापानी राजदूतावासको स्थापना गरी पहिलो राजदूतको रूपमा हिदेमिची किरालाई नियुक्त गरेको थियो ।

यो खबर पढेर तपाईलाई कस्तो महसुस भयो ?

सम्बन्धित खवर

Advertisment

छुटाउनुभयो कि? सबै