Comments Add Comment

सभामुख र प्रधानमन्त्रीबिच नीति तथा कार्यक्रमबारे छलफल

काठमाडौँ । सभामुख देवराज घिमिरेले प्रधानमन्त्री पुष्पकमल दाहाल ‘प्रचण्ड’सँग फोन वार्ता गरी सरकारको नीति तथा कार्यक्रमका सम्बन्धमा छलफल गरेका छन् । सोमबार बिहान सभामुख घिमिरे र प्रधानमन्त्री प्रचण्डबिच नीति तथा कार्यक्रमबारे कुराकानी भएको सभामुख घिमिरेको सचिवालयले जनाएको छ ।
त्यसक्रममा राजनीतिक सहमतिका लागि प्रधानमन्त्रीबाट भएका प्रयास र संसद्को तयारीबारे छलफल भएको बताइएको छ । सभामुखसँगको कुराकानीमा प्रधानमन्त्रीले राजनीतिक सहमतिका लागि प्रमुख प्रतिपक्षी दलसँग छलफल भएको जानकारी दिँदै सत्ता घटक दलहरूसँग पनि विपक्षीका मागबारे छलफल भएको र आजै साँझसम्म निष्कर्षमा पुगिने बताएका जनाएका छन् ।

त्यसक्रममा प्रधानमन्त्रीले आफू चितवनबाट फर्के लगत्तै संवाद सुरु गर्ने पनि बताएका छन् । प्रधानमन्त्रीले राष्ट्रपतिसँग भएको छलफलबारे पनि सभामुखलाई जानकारी गराएका छन् ।

सभामुखले कानुन, न्याय तथा संसदीय मामिला मन्त्रीसहित प्रमुख दलका मुख्य सचेतक तथा प्रमुख सचेतकसँग हिजो छलफल गरेका थिए । नीति तथा कार्यक्रम र बजेटलाई राजनीतिक दाउपेचभन्दा टाढै राख्न सुझाव दिएका सभामुख घिमिरेले नीति तथा कार्यक्रम संसद्‌भन्दा बाहिरबाट ल्याउने परिकल्पना र अभ्यास भन्दै राजनीतिक सहमतिमा जोड दिएका थिए ।

यो खबर पढेर तपाईलाई कस्तो महसुस भयो ?

सम्बन्धित खवर

Advertisment

छुटाउनुभयो कि? सबै