Comments Add Comment

जेठ १० गतेसम्म प्रदेशमा एकता समायोजन सम्पन्न गर्ने क्रान्तिकारी कम्युनिस्ट पार्टीको निर्णय

काठमाडौँ । क्रान्तिकारी कम्युनिस्ट पार्टीले जेठ १० गतेसम्म प्रदेशमा एकता समायोजन सम्पन्न गर्ने निर्णय गरेको छ ।

वैशाख १९ गते क्रान्तिकारी कम्युनिस्ट पार्टी र नेकपा मसालबिच पार्टी एकता भएपछि केन्द्रीय कार्यालय कुपोण्डलमा तीन दिनसम्म कार्यालय बैठक बसेको थियो । बैठकले समायोजनका लागि क्रान्तिकारी कम्युनिस्ट पार्टीसहित नेकपा बहुमत र मसालबाट दुई दुई जना रहने गरी ६ सदस्यीय कार्यदल गठन गरेको थियो ।

आइतबार बसेको उक्त कार्यदलको बैठकले समायोजनको खाका बनाएर कार्यसम्पादन मण्डललाई जिम्मा दिएको थियो । कार्यसम्पादन मण्डलले सबै प्रदेशमा एकता समायोजन टुङ्ग्याउने निर्णय गरेको सहसंयोजक धर्मेन्द्र बास्तोलाले जानकारी दिए । तर, महाधिवेशनको मिति भने अर्को बैठकले निर्णय गर्ने उनले बताए ।

एकता प्रक्रियामा जोडिएपछि क्रान्तिकारी कम्युनिस्ट पार्टीले मोहन वैद्य किरणको संयोजकत्वमा महाधिवेशन आयोजक समिति गठन गरेको थियो । जसमा धर्मेन्द्र बास्तोला र सन्तबहादुर नेपाली सहसंयोजक रहेका छन् । यस्तै पाँच जनाको कार्यसम्पादन मण्डल, २५ जनाको कार्यालय, ८० जनाको सचिवालय, र ३१९ जनाको आयोजक समिति गठन गरिएको छ ।

यो खबर पढेर तपाईलाई कस्तो महसुस भयो ?

सम्बन्धित खवर

Advertisment

छुटाउनुभयो कि? सबै