काठमाडौं । जसपा नेपालका चार नेताले पार्टी परित्याग गरेका छन् ।

उनीहरुले उपेन्द्र यादव नेतृत्वको जसपा नेपाल परित्याग गर्नेहरुमा पूर्वसांसद इन्दु कुमारी शर्मा, केन्द्रीय सल्लाहकार सदस्य मो। युसुफ साफी, केन्द्रीय निर्वाचन आयोग तथा कानुन विभाग सदस्य घणश्याम शर्मा, र पुष्पराज चमन छन् ।

उनीहरुले आज जारीको संयुक्त विज्ञप्तिमा जसपा नेपालको साधारण सदस्य समेत नरहने गरी सम्पूर्ण जिम्मेवारीबाट राजीनामा गरेको उल्लेख छ । साथै अबदेखि ‘हुंकार मधेश’ नामको अभियानबाट राजनीतिक यात्रा अगाडि बढाउने उनीहरुले जनाएका छन् ।

यसअघि राजेन्द्र महतो नेतृत्वको राष्ट्रिय मुक्ति पार्टीका महासचिव केशव झासहित नौ जना केन्द्रीय नेताहरुले पार्टी परित्याग गरी यही असोज ९ गते काठमाडौंमा ‘हुंकार मधेश’ नामक नयाँ राजनीतिक अभियान सुरु भएको घोषणा गरेका थिए ।