काठमाडौं । आज लौका, पालुङ्गो र मेथीको साग, हरियो प्याज, रातो बन्दा, खुर्खानी, हाइब्रेड काँक्रो, गाँठ कोबीलगायत तरकारीको मूल्य बढेको छ । सबैभन्दा धेरै गाँठ गोबीको मूल्य बढेको छ । सोमबार ३५ रुपैयाँ किलो कारोबार भएको गाँठ कोबी आज ५७ प्रतिशतले बढेर ५५ रुपैयाँमा कारोबार भएको छ ।

कालीमाटी फलफूल तथा तरकारी बजार विकास समितिले निर्धारण गरेको थोक मूल्य अनुसार आज लौकाको मूल्य २२ प्रतिशतले बढेर ५५ रुपैयाँ पुगेको छ । सोमबार ४५ रुपैयाँमा कारोबार भएको थियो ।

यस्तै पालुङ्गो र मेथीको सागको मूल्य बढेर ५५ बाट किलोको ६५ पुगेको छ । आज हरियो प्याज पनि बढेको छ । सोमबार ३५ रुपैयाँ किलो रहेको प्याजको मूल्य आज ४५ तोकिएको छ ।

आज रातो बन्दा पनि ४५ बाट बढेर किलोको ५५ पुगेको छ । हाइब्रेड काँक्रो पनि ३० बाट बढेर किलोको ३५ रुपैयाँ पुगेको छ । आज सुकेको खुर्सानी र हरियो खुर्सानीको मूल्यसमेत बढेको समितिले जनाएको छ ।

आज घिरौलाको मूल्य भने घटेको छ । सोमबार किलोको ६५ रुपैयाँ रहेको घिरौला आज ५५ रुपैयाँमा झरेको छ ।

यस्तो आज तरकारी तथा फलफूलको तुलनात्मक मूल्य :