काठमाडौँ । नेकपाका महसचिव नेत्रविक्रम चन्द विप्लवले चुनाव, संसद् र सरकारलाई हेर्ने उपयोग र बहिष्कारको लेनिनवादी स्कुललाई बदलेर चुनावी मोर्चामा डट्ने पहल गरेको बताएका छन् । विप्लवको पार्टीले मंगलबार मात्र दल दर्ताका लागि निर्वाचन आयोगमा निवेदन दिएको छ ।

बुधबार बिहान विप्लवले सामाजिक सञ्जाल फेसबुकमा लेखेका छन्, ‘एकीकृत जनक्रान्तिको स्कुल अनुरूप समग्र संघर्षको मोर्चाका रूपमा आत्मसात् गर्दै पार्टीलाई दर्ता गर्ने र चुनावी मोर्चामा डट्ने पहल गरेका छौ ।’ 

उनले नयाँ स्कुल अनुरूप सबै देशभक्त, समाजवादी, कम्युनिस्ट शक्तिहरूसँग सहकार्य गर्दै देशको स्वाधीनता नेपाली विशेषताको समाजवाद, जनताको विशेषतः युवाहरूको शिक्षा,रोजगारीका लागि निरन्तर लड्ने प्रतिबद्धता व्यक्त गरेका छन् ।