समाचार
कारागारभित्रै झुण्डिएको अवस्थामा मृत भेटिए थुनुवा
- Jagaransanchar |
- बैशाख २८, २०८२
काठमाडौं । जिल्ला कारागार, जाजरकोटमा रहेका एक जना थुनुवा झुण्डिएको अवस्थामा मृत फेला परेका छन् । आइतबार बिहान जाजरकोटको भेरी नगरपालिका–१० का २६ वर्षीय दीपक बुढा कारागारभित्रै मृत अवस्थामा फेला परेको जाजरकोटका प्रहरी नायब उपरीक्षक (डीएसपी) वसन्त शर्माले जानकारी दिए ।
‘आज बिहान कारागारभित्रै झुण्डिएको अवस्थामा उहाँ भेटिनुभएको हो,’ शर्माले भने, ‘घटनाबारे थप अनुसन्धानको काम भइरहेको छ ।’ शर्माका अनुसार, मृत भटिएका थुनुवा जबरजस्ती करणीको आरोपमा पुर्पक्षका लागि थुनामा थिए ।
अदालतबाट उनीविरुद्धको मुद्दामा फैसला हुन बाँकी छ ।
सम्बन्धित समाचारहरु
गृहमन्त्री र यातायात व्यवसायीका नेताहरुबीच छलफल जारी
जेठ १९, २०८२
