काठमाडौँ । नेपाली कम्युनिस्ट पार्टी (नेकपा) को केन्द्रीय संयोजन समितिको बैठक केन्द्रीय कार्यालय पेरिसडाँडामा बसेको छ । संयोजक पुष्पकमल दाहाल ‘प्रचण्ड’ र सह(संयोजक माधवकुमार नेपालले तयार पारेको विशेष प्रस्ताव अनुमोदन गर्ने एजेन्डा रहेको नेता प्रकाश ज्वालाले जानकारी दिए ।

ज्वालाका अनुसार आजको बैठकले नेताहरूको कार्य विभाजन, विभागीय जिम्मेवारी तथा सचिवालय र केन्द्रीय कार्य समितिलाई पूर्णता दिने विषयमा ठोस निर्णय लिने सम्भावना रहेको छ । गत फागुनमा भएको निर्वाचनमा पार्टीले अनपेक्षित हार व्यहोरेपछि चुनावी समीक्षा गर्न प्रचण्डले चैत १९ गते बैठक बोलाएका थिए ।

पटक–पटक स्थगित भएको बैठक चैत ३ गते संयोजक र सह–संयोजकले वैशाख ३ गते सदस्यहरूले उठाएको प्रश्नको जवाफ दिएर स्थगित गरिएको थियो ।