काठमाडौं । आज तीन वटा संसदीय समितिका बैठक बस्दै छ । 

बुधबार अर्थ समिति, पूर्वाधार विकास समिति, राज्य व्यवस्था तथा सुशासन समिति, शिक्षा, स्वास्थ्य तथा सूचना प्रविधि समिति र संघीयता सबलीकरण तथा राष्ट्रिय सरोकार समितिको बैठक बस्ने भएको हो । 

अर्थ समितिको बैठक बिहान ९ः३० बजे बस्ने भएको छ ।

बैठकमा अर्थ सम्बन्धी केही नेपाल कानूनलाई संशोधन र खारेज गर्न बनेको विधेयकमाथि सैद्दान्तिक छलफल हुने कार्यसूची रहेको छ । उक्त विधेयकमाथि संशोधन प्रस्ताव दर्ता गराउनुहुने संशोधनकर्ता सदस्यहरुसँग छलफल हुने छ । 

बिहान १० बजे बस्ने पूर्वाधार विकास समितिको बैठकमा निजी ऊर्जा उत्पादकबाट उत्पादित जलविद्युत सम्बन्धमा र जलविद्युत आयोजनामा निजी क्षेत्रको लगानी प्रवर्धन गर्न विद्यमान ऐन, कानुनमा गर्नुपर्ने सुधारका सम्बन्धमा छलफल हुने छ ।

संघीयता सबलीकरण तथा राष्ट्रिय सरोकार समितिको बैठक बिहान ११ बजे बस्ने भएको हो । बैठकमा समितिको वार्षिक प्रतिवेदन सम्बन्धमा छलफल हुने कार्यसूची रहेको छ ।