काठमाडौँ । सर्लाहीको बागमती नगरपालिकाका मेयर भरत थापा र उपमेयर लीलाकुमारी मोक्तानविरुद्धको मुद्दा हेर्न नमिल्ने भएको छ । आइतबार विशेष अदालतका न्यायाधीशत्रय रामबहादुर थापा, रितेन्द्र थापा र विदुर कोइरालाको इजलासमा पेसी तोकिएकोमा मुद्दा हेर्न नमिल्ने भएको हो ।

२०८० चैत २७ गते अख्तियार दुरुपयोग अनुसन्धान आयोगले मेयर थापा, उपमेयर मोक्तानसहित चार जनाविरुद्ध ५ करोड ३३ लाख रुपैयाँ अवैधानिक रूपमा आर्जन गरेको आरोपमा गैरकानुनी सम्पत्ति आर्जनसम्बन्धी मुद्दा दायर गरेको थियो ।

त्यसपछि २०८१ जेठ २९ गते थापासहित ६ जनाविरुद्ध बागमती नगरपालिकाको भरत तालमा ३० करोड २९ लाख रुपैयाँ भ्रष्टाचार गरेको आरोपमा अर्को मुद्दा दायर गरिएको थियो । मुद्दा चल्दै गर्दा उनीहरुविरुद्ध विशेषमा थप एक र जिल्ला अदालत सर्लाहीमा अर्को मुद्दा  दायर गरिएको छ ।